राष्ट्रिय सहकारी बैंकका अध्यक्षसमेत रहेका आइडियल यमुना हाम्रो सहकारी संस्थाका अध्यक्ष केबी उप्रेती पक्राउ परेका छन् । सहकारीका बचतकर्ताको करिब ८ अर्ब रुपैयाँ अपलचन गरेको आरोपमा उप्रेती पक्राउ परेका हुन् ।
उनलाई बुधबारै प्रहरीले समातेको हो । जिल्ला प्रहरी परिसर काठमाडौंका एसपी नवराज अधिकारीका अनुसार आइडियल यमुना हाम्रो सहकारी संस्थाका बचतकर्ताहरुले जोहरी दिएपछि उप्रेतीलाई पक्राउ गरिएको हो ।
उक्त सहकारीमा ३० हजारभन्दा बढी बचतकर्ताको ८ अर्ब रुपैयाँ बचत छ । बचतकर्ताहरुले अरु सञ्चालकविरुद्द पनि उजुरी दिएका छन् । अन्य सञ्चालकहरु हाल फरार छन् ।
नेकपा एमालेको सहकारी तथा गरिबी निवारण विभागका सचिवसमेत रहेका केबी उप्रेतीमाथि बचतकर्ताको रकम हिनामिना गरेको आरोप लागेपछि पार्टीले जिम्मेवारीबाट हटाएको थियो ।
