ललितपुर पुल्चोकस्थित लालीगुराँस बहुउद्देश्यीय सहकारी संस्थाका प्रमुख कार्यकारी अधिकृत सुरेन्द्र भण्डारी पक्राउ परेका छन् । सहकारीका वचतकर्ताको रकम अपचलनको आरोप लागेको भण्डारीलाई उपत्यका अपराध अनुसन्धान कार्यालयको टोलीले पक्राउ गरेको हो ।
उनलाई शुक्रबार राती पक्राउ गरिएको जनाइएको छ । उपत्यका अपराध अनुसन्धान कार्यालयका प्रमुख एसएसपी सानुराम भट्टराईका अनुसार भण्डारीलाई विशालनगरबाट पक्राउ गरिएको हो ।
लालीगुराँस बहुउद्देश्यीय सहकारीले वचतकर्ताको ६ अर्ब रुपैयाँ अपचलन गरेको आरोप लागेको छ । यो सहकारी २०८० फागनु २९ मा समस्याग्रस्त घोषणा भएको छ ।
