नेपाल लाइफ इन्स्योरेन्सले नेपाल अपरच्यूनिटि फण्ड १ नामक प्राइभेट इक्विटि फण्डमा ३८ करोड ५० लाख लगानी गर्ने भएको छ । नेपाल लाइफले आध्यन्त फण्ड म्यानेजमेन्ट लिमिटेडको व्यवस्थापनमा संचालित नेपाल अपरच्यूनिटि फण्ड १ मा सो रकम लगानी गर्ने गरि सम्झौता गरेको हो ।
सम्झौता अनुसार नेपाल लाइफले नेपाल अपरच्यूनिटि फण्ड १ (प्राइभेट इक्विटि फण्ड) मा रु. १,००० प्रति इकाईका दरले तीन लाख पचासी हजार इकाई खरिदका लागि अठ्तीस करोड पचास लाख लगानी गर्ने छ ।
नेपाल लाइफका अनुसार नेपाल बीमा प्राधिकरणले प्रदान गरेको स्वीकृति अनुरुप यस लगानी सम्बन्धमा कार्तिक ८ गते सम्झौता भईसकेको छ ।
