हिमालय उर्जा विकास कम्पनीले लिलामी बिक्री हुला गरेको हकप्रदमा अवितरित शेयरको बाँडफाँड भएको छ । कम्पनीले असोज ७ गतेदेखी लिलाम बिक्री खुला गरेको हकप्रदमा अवितरित साधारण समूहको १४ लाख ४६ हजार ३५९ कित्ता शेयर बाँडफाँड भएको हो ।
लिलाम बिक्रीको शिलबन्दी खुला हुँदा प्रतिकित्ता १७१ रुपैयाँ कट अफ मूल्य तय भएको छ । यस अनुसार प्रतिकित्ता १७१ रुपैयाँ र त्योभन्दा बढी मूल्यमा कबुल गरेर आवेदन दिएका लगानीकर्ताले कम्पनीको शेयर पाएका छन् ।
बिक्रि प्रबन्धक रहेको नबिल इन्भेष्टमेन्ट बैंकिङका अनुसार १ हजार ८५४ आवेदकले आवेदन दिएका थिए ।
कहाँबाट कति परेको थियो आवेदन ?
नबिल इन्भेष्टमेन्टको नक्सालस्थित कार्यलयबाट १ हजार ३८७ जनाले आवेदन दिएका छन् । नबिल बैंकको सुर्यविनायक भक्तपुर शाखाबाट २५३, नबिल बैंकको रंगेली रोड विराटनगरबाट ७७, भानुचोक जनकपुरबाट ४१, सभागृहचोक पोखराबाट ५८, कोहलपुरबाट ८, सुर्खेतबाट १० र महेन्द्रनगर शाखाबाट २० जनाले आवेदन दिएका थिए ।
कम्पनीले साउन १४ देखी भदौ १२ गतेसम्म १ः१ को अनुपातमा शतप्रतिशतले हुन आउने ९९ लाख कित्ता हकप्रद निष्काशन गरेको थियो । नेपाल धितोपत्र बोर्डले असार ७ गते हिमालय उर्जा विकास कम्पनीलाई हकप्रद निष्काशनको लागि अनुमति प्रदान गरेको थियो ।
नेप्सेमा भएको पछिल्लो सेयर कारोबार (असोज १६ गते बुधबार) अनुसार हिमालय उर्जा विकास कम्पनीको सेयर मूल्य प्रतिकित्ता २१५ रुपैयाँ छ ।
