एनएलजी इन्स्योरेन्सले हकप्रद निष्काशन गर्ने भएको छ। कम्पनीको भदौ २४ गते बसेको संचालक समितिको बैठकले यस गाही प्रस्तावित हकप्रद प्रतिशतलाई पुनरावलोकन गर्दै फेरि हकप्रद निष्काशन गर्ने निर्णय गरेको हो ।
जस अनुसार कम्पनीले हाल कायम चुक्ता पुँजी १ अर्ब ५३ करोड ९५ लाखको ६२.५६ प्रतिशत हकप्रद निष्काशन गर्ने प्रस्ताव गरेको हो । नेपाल बीमा प्राधिकरणले स्वीकृत गरेपछि, कम्पनीको आगामी साधारणसभाले अनुमोदन गरेपछि र नेपाल धितोपत्रले अनुमति दिए पछि कम्पनीले हकप्रद निष्काशन गर्ने छ।
कम्पनीले यस अघि ६६ प्रतिशत हकप्रद निष्काशन गर्ने प्रस्ताव गरेको थियो । तर त्यसको अन्तिम स्वीकृति नपाउदै कम्पनीले ५.५० प्रतिशत बोनस शेयर वितरण गरेर पुँजी बढाएको थियो । सो बोनसपछि चुक्ता पुँजी १ अर्ब ५३ करोड ९५ लाख पुगेको र अब बीमा प्राधिकरणले तोकेको २ अर्ब ५० करोड चुक्ता पुँजी पुर्याउन ६२.५६ प्रतिशत हकप्रदले पुग्ने भएकोले कम्पनीले फेरि हकप्रद निष्काशन प्रस्ताव गरेको हो।
