नेपाल राष्ट्र बैंकको डेपुटी गभर्नरमा दीर्घ रावल नियुक्त भएका छन् । बुधबार बसेको मन्त्रिपरिषद्को बैठकले रावललाई डेपुटी गभर्नर नियुक्त गर्ने निर्णय गरेको हो।
रावल राष्ट्र बैंकको बैंक सुपरिवेक्षण विभागका कार्यकारी निर्देशक थिए । कार्यकारी निर्देशकहरु मध्येबाट डेपुटी गभर्नर नियुक्त गर्ने व्यवस्था गर्ने छ । रावल अब ५ वर्षको लागि डेपुटी गभर्नर रहने छन् । रावल २०८२ जेठमा कार्यकारी निर्देशकमा बढुवा भएका थिए । कार्यकारी निर्देशकमा बढुवा भएको १५ महिनामै उनी डेपुटी गभर्नर बनेका हुन् ।
सरकारले गत चैत्रमा किरण पण्डितलाई डेपुटी गभर्नर नियुक्त गरेको थियो। रिक्त रहेको अर्को डेपुटी गभर्नर पदमा रावल नियुक्त भएका हुन् । एकै समय दुवै डेपुटी गभर्नर पद रिक्त नहोस् भनेर सरकारले ५ महिनाको फरकमा दोस्रो डेपुटी गभर्नर नियुक्त गरेको हो । किरण पण्डित पनि कार्यकारी निर्देशकमा बढुवा भएको १३ महिनामै डेपुटी गभर्नर बनेका थिए ।
