नेपाल दूरसञ्चार कम्पनी लिमिटेड (नेपाल टेलिकम) को अध्यक्षमा राधिका अर्याल नियुक्त भएकी छिन् । २०८१ साउन १४ गतेको मन्त्रिपरिषद्को निर्णय अनुसार अध्यक्ष नियुक्त भएकी अर्यालले साउन २१ गते पद तथा गोपनियताको सपथ लिएकी छिन्।
अर्याल सञ्चार तथा सूचना प्रविधि मन्त्रालयको सचिवको रुपमा सरुवा भएपछि उनी नै स्वत टेलिकमको अध्यक्ष भएकी हुन् । सञ्चार मन्त्रालयको सचिव टेलिकमको सञ्चालक समितिको अध्यक्ष रहने प्रावधान छ।
टेलिकमको नियमावलीको नियम १२ को खण्ड (छ) को समूह क (संस्थापक समूह) १ मा भएको व्यवस्था अनुसार सञ्चार तथा सूचना प्रविधि मन्त्रालयका सचिव सञ्चालक समितिको अध्यक्ष रहने प्रावधान अनुरुप सञ्चालक समिति अध्यक्ष परिवर्तन भएको टेलिकमले जनाएको छ। यस अघि रामकृष्ण सुवदी टेलिकमको अध्यक्ष थिए ।
