प्रिमियम इलेक्ट्रिक एसयूभी ‘लिपमोटर बी०३एक्स’ नेपाल आइपुगेको छ । नेपालका लागि लिपमोटरको आधिकारिक आयातकर्ता सांग्रिला मोटर्सले प्रीमियम एसयूभी ‘बी०३एक्स’ भ्त्रियाएको हो ।
शुक्रबार औपचारिक रूपमा नेपाली बजारमा सार्वजनिक हुने यो ईभी चिनियाँ बजारमा ‘ए १०’ नामबाट बिक्री भइरहेको मोडल हो । यसमा १४५ किलोवाटको शक्तिशाली मोटर जडान गरिएको छ । साथै, ५३ किलोवाट आवरको ब्याट्री प्याक छ । जसले एक पटकको फुल चार्जमा ५०५ किलोमिटरसम्मको रेन्ज दिने दाबी गरिएको छ ।
५ सिट क्षमताको यो ईभीलाई १३३ किलोवाटको डीसी चार्जरबाट चार्ज गर्दा २० मिनेटमै ८० प्रतिशतसम्म चार्ज गर्न सकिन्छ । यो प्रीमियम ईभीमा एडिएस लेभल २ प्रविधि रहेकाले ड्राइभिङलाई सुरक्षित र इन्टेलिजेन्ट बनाउनेछ ।
चिनियाँ बजारमा ‘नम्बर वान स्टार्ट अप न्यु इनर्जी भेहिकल’ (एनईभी) ब्रान्डको रूपमा चिनिएको लिपमोटरले हालसम्म विश्वका ४० देशमा १६ लाखभन्दा बढी सवारी साधन बिक्री गरिसकेको छ।
शुक्रबार लन्च हुने यो ईभी प्रतिस्पर्धी मूल्यमा सार्वजनिक हुने अपेक्षा गरिएको छ । लन्च पश्चात कम्पनीले यसको बुकिङ र टेस्ट डज्ञाइभ खुल्ला गर्नेछ ।
फराकिलो क्याबिन र लक्जरी बनावटले नेपाली उपभोक्तामाझ यो ईभी लोकप्रीय बन्ने अपेक्षा गरिएको छ ।
