प्रतिनिधिसभाको अर्थ समितिले नेप्सेको पुनर्संचरना कार्य तदारुकताका साथ अगाडि बढाउन सरकारलाई निर्देशन दिएको छ । समितिको आज बसेको बैठकले नेपाल स्टक एक्सचेन्ज लिमिटेड (नेप्से)को पुनर्संरचना सम्बन्धी कार्य तदारुकताका साथ अगाडि बढाउन नेपाल सरकार, अर्थ, मन्त्रालय र नेपाल धितोपत्र बोर्डलाई निर्देशन दिएको हो।
बैठकले शेयर बजारप्रति समग्र लगानीकर्ताको विश्वास र मनोबल बढाउन पूँजीबजारको आधुनिकीकरण र धितोपत्रको विविधीकरण एवं विस्तार तथा पारदर्शी नियमन गर्न पनि नेपाल सरकार, अर्थ, मन्त्रालय र नेपाल धितोपत्र बोर्डलाई निर्देशन दिएको छ।
अर्थ समितिले आज शेयर बजारको अवस्थाबारे अर्थ मन्त्रालयका सहसचिव र नेपाल धितोपत्र बोर्डका अध्यक्ष डा. गोपाल भट्टलाई बोलाएर छलफल गरेको थियो ।
