आज सोमबारदेखि संसदमा बजेटमाथिको छलफल सुरु हुँदै छ। आज प्रतिनिधिसभा बैठक दिउँसो १ बजे बोलाईएको छ।
आजको बैठकमा अर्थ मन्त्री डा. स्वर्णिम वाग्लेले वक्तव्यसहित “आ.व. २०८३/०८४ को राजश्व र व्ययको वार्षिक अनुमानमाथि सामान्य छलफल प्रारम्भ गरियोस्” भन्ने प्रस्ताव प्रस्तुत गर्ने कार्यसूची रहेको छ। त्यसपछि आ.व. २०८३/०८४ को राजश्व र व्ययको वार्षिक अनुमानमाथि सामान्य छलफल प्रारम्भ हुने छ ।
यद्यपि आजको बैठकमा विपक्षी दलले अवरोध गर्ने तयारी गरेका छन् । हिजो भएको बैठकमा प्रधानमन्त्री वालेन्द्र शाहले नेपालले पनि भारतको भूमि मिचेको रहेछ भन्ने अभिव्यक्ति दिएपछि देश तथा विदेशमै ठूलो हलचल उत्पन्न भएको छ। विपक्षी दलले नेपालले कहाँ भूमि मिचेको हो भने भनेर तथ्य सहित स्पष्ट पार्नु पर्ने, त्यसो गर्न नसके प्रधानमन्त्रीको अभिव्यक्ति संसदको रेकर्डबाट हटाउन पर्ने माग गरिरहेका छन् ।
त्यस्तै हिजो अबेर राति विपक्षी दलको अवरोधका बीच बहुमतले प्रतिनिधिसभा संचालन नियमावली पारित गरिएको थियो। त्यसबारे पनि अशन्तुष्टी जनाउदै विपक्षी दलले अवरोध गर्ने तयारी गरेका छन् ।
