स्वास्थ्य बीमा बोर्डले निजी स्वास्थ्य संस्थाहरूमा आकस्मिक बाहेकमा स्वास्थ्य बीमा सेवा स्थगित गरेको छ । बोर्डले वित्तीय संकटको कारण देखाउँदै निजी स्वास्थ्य संस्थाहरूमा आकस्मिकबाहेक बीमा सेवा स्थगनको सूचना जारी गरेको हो ।
बोर्डका अनुसार अब जेठ १६ देखि निजी स्वास्थ्य संस्थामा आकस्मिक बाहेकको स्वास्थ्य बीमा सेवा पाइने छैन ।
‘स्वास्थ्य बीमा कार्यक्रममा आबद्ध निजी स्वास्थ्य संस्थाबाट प्रदान गरिने आकस्मिक सेवाबाहेकका स्वास्थ्य बीमा सेवा जेठ १६ देखि लागू हुने गरी स्थगन गर्ने निर्णय गरेको छ’ बोर्डले सूचनामा भनेको छ ।
