नेपाल उद्योग वाणिज्य महासंघको वरिष्ठ उपाध्यक्षमा ३ जनाको उम्मेदवारी परेको छ । वरिष्ठ उपाध्यक्षमा रामचन्द्र संघई, सुरकृष्ण वैद्य र हेमराज ढकालको उम्मेदवारी परेको हो ।
संघईको प्रस्तावकमा ईश्वर जिसी र समर्थकमा अविज्ञा मल्ल रहेका छन् । वैद्यको प्रस्तावकमा कृष्ण प्रसाद शर्मा र समर्थकमा रविन पुरी रहेका छन् । ढकालको प्रस्तावकमा नरेश लाल श्रेष्ठ र समर्थकमा लिलेन्द्र प्रधान रहेका छन् ।
वरिष्ठ उपाध्यक्ष र कोषाध्यक्षको लागि आजै निर्वाचन हुने छ ।
कोषाध्यक्षको लागि मनिष लाल प्रधान र अम्बिका पौडेलको उम्मेदवारी परेको छ। प्रधानको प्रस्तावकमा दिल सुन्दर श्रेष्ठ र समर्थकमा नानिराज घिमिरे रहेका छन् । पौडेलको प्रस्तावकमा बाबुकाजी कार्की र समर्थकमा भक्त हमाल रहेका छन् ।
