समाज लघुवित्तले विशेष साधारणसभा आह्वान गरेको छ। कम्पनीले साउन ३२ गते सर्लाहीको मलंगवा स्थित जानकी फेमली होटल एण्ड पार्टि प्यालेसमा विशेष साधारणसभा आह्वान गरेको हो।
कम्पनीको साधारणसभामा कम्पनीको जारी पुँजी वृद्धि गरेर ४ करोड पुर्याउने प्रस्ताव पेश हुने छ। कम्पनीको संस्थापना ताका राखिएको जारी पूँजी बोनस शेयर को लागी अपुग भएकोले सो पूँजी लाई परिर्वतन गरी जारी पुँजी चार करोड कायम गर्ने प्रस्ताव सभामा पेश हुने कम्पनीले जनाएको छ। त्यस्तै कम्पनीको स्वीकृत प्रबन्ध पत्रको दफा ६ (ख) मा संसोधन गर्ने प्रस्ताव पेश हुने छ ।
कम्पनीले विशेष साधारणसभा प्रयोजनको लागि साउन २५ देखि साउन ३२ गतेसम्म बुक क्लोज गर्ने निर्णय गरेको छ। साउन २४ गतेसम्म कायम शेयरधनीले मात्र कम्पनीको विशेष साधारणसभामा सहभागिता जनाउन सक्ने छन् ।
