राष्ट्रिय स्वतन्त्र पार्टीका सभापति रवि लामिछानेले सरकार अब आईपीओ निष्काशनमा निर्मम हुने संकेत गरेका छन्। आइतबार उद्योगी तथा व्यवसायीसँग आयोजित छलफल कार्यक्रममा उनले आईपीओ निष्काशनमा सरकार निर्मम हुने बताएका हुन् ।
सभापति लामिछानेले घाटामा रहेका कम्पनीलाई कागजमा नाफामा देखाएर आईपीओ निकाल्न नदिईने स्पष्ट पारे। बेथितिको विरुद्दको जगमा बनेको सरकारले आम सर्वसाधारणको पैसा डुबाउन नदिने उनले बताए।
यस्ता कदमलाई सरकार निर्मम भएको वा व्यवसायीलाई तर्साएको रुपमा नलिन उनले आग्रह गरे। बेथितिलाई अन्त्य गर्न आएकोले हरेक क्षेत्रको बेथितिलाई सरकारले निमिट्यान्न पार्ने उनले बताए।
