ग्लोबल आईएमई बैंकले चालु आर्थिक वर्षको तेस्रो त्रैमाससम्म ४ अर्ब ४० करोड रुपैयाँ खुद नाफा आर्जन गरेको छ ।
बैंकको खुद नाफा गत आर्थिक वर्षको यसै अवधिको तुलनामा २.८ प्रतिशत घटेको हो । गत आर्थिक वर्षको यस अवधिमा बैंकको खुद नाफा ४ अर्ब ५३ करोड रुपैयाँ थियो ।
बैंकको खुद ब्याज आम्दानी घटेको छ । यस्तो आम्दानी गत आर्थिक वर्षको यस अवधिमा १२ अर्ब ३१ करोड रहेकोमा यसपाली ११ अर्ब ८८ करोड रुपैयाँ छ । लोन लस प्रोभिजन पनि ३ अर्ब ११ करोडबाट बढेर ३ अर्ब ९१ करोड रुपैयाँ छ ।
बैंकको निष्क्रिय कर्जा घटेको छ । पहिला बैंकको निष्क्रिय कर्जा ४.९८ प्रतिशत रहेकोमा अहिले ४.९७ प्रतिशत छ । वार्षिक प्रतिसेयर आम्दानी १५.४० प्रतिशत छ । बैंकको वितरणयोग्य नाफा ३ अर्ब रुपैयाँ छ । प्रतिसेयर वितरणयोग्य नाफा १०.५० रुपैयाँ छ ।
