सीजी मोटर्सले किङलङ १६ सिटर इलेक्ट्रिक माइक्रो सार्वजनिक गरेको छ । सोमबार एक कार्यक्रमको आयोजना गर्दै सीजी मोटर्सले सेग्मेन्टमै पहिलो ब्लेड ब्याट्री भएको उक्त भ्यान नेपाली बजारमा सार्वजनिक गरेको हो ।
७५.४१ किलोवाट आवरको ब्लेड ब्याट्री भएको यो भ्यान यस सेग्मेन्टमै पहिलो रहेको कम्पनीले जनाएको छ । यसले नेपालको व्यवसायिक ईभी बजारमा नयाँ मानक स्थापित गर्ने कम्पनीले दाबी गरेको छ ।
यसमा १२० किलोवाटको शक्तिशाली मोटर छ । यो गाडीले ४०० किलोमिटर रेन्ज दिने दाबी गरिएको छ । फराकिलो इन्टेरियरले यात्रुहरूलाई उत्कृष्ट र सहज यात्राको अनुभव हुने बताइएको छ ।
कम्पनीले यस गाडीको सुरुवाती मूल्य ७२ लाख ५० हजार रुपैयाँ तोकेको छ ।
सीजी मोटर्सले नेपालभर हालसम्म किङलङका ५ हजार प्लस गाडी बिक्री गरिसकेको बताएको छ । कम्पनीले देशभर २६० बढी चार्जिङ स्टेशन सञ्चालनमा ल्याइसकेको छ । कम्पनीका २० भन्दा बढी सर्भिस स्टेशन पनि सञ्चालनमा छन् ।
