नेपाल धितोपत्र बोर्ड (सेबोन)का अध्यक्ष शन्तोष नारायण श्रेष्ठले पदबाट राजीनामा दिएका छन् ।
श्रेष्ठले अर्थ मन्त्रालयमा राजीनामा बुझाएका हुन् । उनले शुक्रबार साँझको बोर्ड बैठकमा सदस्यहरुसँग आफूले राजीनामा बुझाएको जानकारी गराएका थिए । आजको बोर्ड बैठक श्रेष्ठको बिदाई भेट जस्तो बनेको बोर्डका एक सदस्यले बताएका छन् ।
श्रेष्ठले अर्थमन्त्रालयमा सुरुमा मौखिक रुपमा राजीनामाको जानकारी गराएर पछि पत्र पठाएको बताइएको छ ।
तत्कालीन सरकारले श्रेष्ठलाई २०८१ मंसिर १० गते सेबोन अध्यक्षमा नियुक्त गरेको थियो ।
