प्रतिनिधिसभाको सभामुखमा डोलप्रसाद (डिपी) अर्याल निर्विरोध भएका छन् । सभामुख पदको लागि आज मनोनयन दर्ताको लागि आह्वान गरिएकोमा निर्धारित समयमा उनको मात्र उम्मेदवारी परेको हो । एकल उम्मदवारी परेकोले उनी सभामुख बन्ने निश्चित भएको छ।
सभामुख निर्वाचनको औपचारिक प्रक्रिया भने आइतबार हुने छ । आइतबार हुने प्रतिनिधिसभाको बैठकमा प्रस्तावकले प्रस्ताव र समर्थकले समर्थन गर्ने र सामूहिक छलफल पश्चात् निर्णयार्थ प्रस्तुत गर्ने कार्यक्रम रहेको छ । उनको प्रस्तावकमा पार्टी सभापति रवि लामिछाने रहेका छन् भने समर्थकमा स्वर्णिम वाग्ले, सोबिता गौतम र सुनिल लम्साल रहेका छन् । सो प्रक्रिया पछि उनलाई सभामुख पदमा निर्विरोध निर्वाचित भएको घोषणा गरिने छ।
अर्याल राष्ट्रिय स्वतन्त्र पार्टी(रास्वपा)का उपसभापति हुन् । उनी काठमाडौँ क्षेत्र नम्बर ९ बाट निर्वाचित भएका थिए।
