नेपाल आयल निगमले हवाई इन्धनको मूल्य बढाएपछि हवाई यातायातको भाडा पनि बढेको छ । निगमले हवाई इन्धनको मूल्यभा भारी वृद्धि गरेपछि एयरलाइन्सको भाडा बढेको हो ।
नेपाल नागरिक उड्डयन प्राधिकरणले हवाई कम्पनीहरु सँगको सहकार्यमा इन्धन चार्ज शुल्क बढाउँदै पर्यटन मन्त्रालयमा भाडार प्रस्ताव गरेको थियो । प्राधिकरणमा प्रस्तावित भाडादरमा मन्त्रालयले सहमति प्रदान गरेसँगै भाडादर बढेको हो ।
बढेको भाडादर अनुसार सबैभन्दा धेरै काठमाडौँ–धनगढी रुटको भाडा बढेको छ । यो रुटमा ५ हजार ४८० रुपैयाँ हवाई भाडा बढ्ने भएको छ ।
त्यसैगरी, काठमाडौँबाट हुने माउन्टेन फ्लाइटको भाडा ४ हजार २२५ सय रुपैयाँले बढेको छ । काठमाडौं–सुर्खेतको भाडादर ४ हजार २८५ सय रुपैयाँ र काठमाडौं–नेपालगञ्जको भाडादर ४ हजार ४५ रुपैयाँले बढेको छ । भैरहवा २ हजार ५ सय ५५,
काठमाडौं–भद्रपुरको ३ हजार ७२५, काठमाडौं–विराटनगरको २ हजार ९८० रुपैयाँ र काठमाडौं–राजविराजको २ हजार ५४० रुपैयाँ भाडा बढेको छ । यसैगरी काठमाडौं–तुम्लिङटारको २ हजार २९० रुपैयाँ, काठमाडौं–पोखराको १ हजार ९७० रुपैयाँ, काठमाडौं–जनकपुरको १ हजार ६ सय रुपैयाँ, काठमाडौं–चितवनको १ हजार ३३० रुपैयाँ र काठमाडौं–सिमराको १ हजार १२० रुपैयाँ भाडा बढेको छ ।
आयल निगमले चैत १७ गतेबाट लागू हुने गरी आन्तरिक हवाई इन्धनको मूल्य प्रतिलिटर १२४ रुपैयाँले बढाउँदै प्रतिलिटर २५१ रुपैयाँ कायम गरेको थियो ।
