राष्ट्रपति रामचन्द्र पौडेलले संघीय संसदको दुवै सदनको अधिवेशन आह्वान गरेका छन्। नेपाल सरकार मन्त्रिपरिषद्को सिफारिसमा उनले नेपालको संविधानको धारा ९३ को उपधारा (१) बमोजिम २०८२ साल चैत १९ गते बिहीबार दिउँसो २ बजे संघीय संसद भवन, सिंहदरबारमा दुवै सदनको अधिवेशन आह्वान गरेका हुन्।
गत फागुन २१ गते सम्पन्न निर्वाचनपछिको यो पहिलो अधिवेशन हुने छ । आज बसेको मन्त्रिपरिषद्को बैठकले संसदको अधिवेशन बोलाउन राष्ट्रपति समक्ष सिफारिस गर्ने निर्णय गरेको थियो।
सरकारको सिफारिसमा राष्ट्रपतिले संसदको अधिवेशन आह्वान गर्ने संवैधानिक व्यवस्था छ।
