नयाँ सरकार गठन र संचालनबारे राष्ट्रिय स्वतन्त्र पार्टीका शिर्ष नेताबीच छलफल भएको छ। आज बिहीबार साँझ पार्टी सभापति रवि लामिछाने, वरिष्ठ नेता बालेन्द्र शाह, र उपसभापतिद्वय डा. स्वर्णिम वाग्ले र डिपी अर्यालबीच छलफल भएको हो।
उपसभापति डा. वाग्लेले राजकाज क्याप्सन दिएर छलफलको फोटो सार्वजनिक गरेका छन् । राजकाज भन्नाले राज्य संचालन भन्ने बुझिन्छ ।
शिर्ष नेताहरुबीच सरकार गठन, मन्त्री चयन, पार्टी विधान संशोधन, संसदीय दलको नेता चयन, अब बन्ने सरकारका प्राथमिकता निर्धारण लगायतका विषयमा छलफल भएको बताईएको छ। नयाँ सांसदहरुको सपथपछि रास्वपाले बालेन्द्र शाहलाई संसदीय दलको नेता चयन गर्ने बताएको छ।
त्यसपछि राष्ट्रपतिले बहुमत प्राप्त दलको संसदीय दलको नेताको रुपमा बालेनलाई प्रधानमन्त्री नियुक्त गर्ने छन् । बालेनले अहिले पनि आफ्नो स्पिरिट मिल्ने सांसदलाई मन्त्रिपरिषदमा सहभागी गराउन व्यक्तिगत रुपमा पनि गृहकार्य गरिरहेका छन् ।
