प्रभु बैंकको Corporate & Project Finance विभागका प्रमुख रहेका दिनेश डंगोल पक्राउ परेका छन् । केन्द्रीय अनुसन्धान ब्युरो सीआईबीले चैत्र २ गते उनलाई पक्राउ गरेको हो ।
ब्यूरोले बैंकका निवर्तमान सीइओ अशोक शेरचन समेत संलग्न बैंकिङ कसूर मुद्दाको अनुसन्धान गरिरहेको थियो । सोहि सिलसिलामा संकलन भएका तथ्य प्रमाणहरु तथा विज्ञ टोली समेतले अध्ययन विश्लेषण गर्ने क्रममा बैंकमा Corporate & Project Finance विभागको प्रमुखको हैसियतमा कार्यरत दिनेश डंगोल पक्राउ परेका हुन् ।
ब्यूरोका अनुसार डंगोलले नेपाल राष्ट्र बैंकबाट जारी भएको निर्देशन तथा प्रचलित कानून बिपरित कार्य गरी प्रभु बैंक लि. बाट प्रभु म्यानेजमेण्ट प्रा. लि. समेतमा प्रवाह भएको कर्जा दुरुपयोग गर्ने/गराउने कसूर गरेको भेटिएको छ। बैंकिङ कसूर तथा सजाय ऐन, २०६४ अन्तर्गतको कसूरमा पक्राउ गरी उनीमाथि अनुसन्धान भइरहेको प्रहरीले जनाएको छ ।
