काभ्रे २ मा रास्वपाका उम्मेदवार बदन कुमार भण्डारीले अग्रता फराकिलो बनाउदै लगेका छन् । धुलिखेल नगरपालिकाको वडा नम्बर ४,५,६ र ७ मत गणना गर्दा रास्वपाका भण्डारीले ५ हजार १ सय ११ मत पाएका छन् ।
कुल सदर मतको ५४ प्रतिशत मत रास्वपाले पाएको छ। हालसम्म गणना भएकोमा कुल सदर मत ९ हजार ४ सय ३ रहेको छ ।
दोस्रो स्थानमा एमालेका अशोक व्याञ्जु रहेका छन् , उनले २ हजार १ सय ८ मत पाएका छन् । उनी धुलिखेल नगरपालिकाको मेयरबाट राजीनामा दिएर चुनाव लडेका थिए।
तेस्रो स्थानमा कांग्रेसका मधु प्रसाद आचार्य रहेका छन् , उनले १ हजार १ सय ३२ मत पाएका छन् ।
