सरकारले नेपाली नागरिकलाई इजरायल र इरानको यात्रा नगर्न आह्वान गरेको छ । परराष्ट्र मन्त्रालयले एडभाइजरी जारी गर्दै अवस्था सामान्य नहुँदासम्म नेपाली नागरिकलाई यात्रा नगर्न सुझाव दिएको हो ।
‘इजरायल वा इरान यात्रा गर्ने योजना बनाएका नेपाली नागरिकहरूलाई दुवै देशको अवस्था सामान्य नहुँदासम्म आफ्नो यात्रा स्थगित गर्न कडाइका साथ सुझाव दिइन्छ,’ परराष्ट्र मन्त्रालयले जारी गरेको एडभाइजरीमा भनिएको छ ।
सरकारले इजरायल र इरानमा बसोबास गरिरहेका नेपाली नागरिकहरूलाई पनि सावधानीका उपायहरू अपनाउन अनुरोध गरेको छ ।
