रङ्गहरुको पर्व होली उत्सव आजबाट सुरु भएको छ । काठमाडौंको बसन्तपुरमा रङ्गीचङ्गी ध्वजाले सजाइएको तीन–तले चीर ठड्याइएसँगै होली सुरु भएको हो ।
फागुन शुक्ल अष्टमीका दिन काठमाडौंको बसन्तपुरमा चीर ठड्याएपछि देशभर होली पर्व सुरु भएको मानिन्छ । मंगलबार मानन्धर समुदायले चीर ठड्याएका छन् । चीर उभ्याउने क्रममा सहभागी भएका व्यक्तिहरुले एकअर्कालाई अबिर दलेर होली पर्व सुरु गरेका छन् ।
यस वर्ष होलीको मुख्य दिन फागुन १८ गते र १९ गते परेको छ । फागुन १८ गते हिमाली तथा पहाडी जिल्लामा र १९ गते तराई मधेशका जिल्लामा होलीको सार्वजनिक बिदा दिइएको छ ।
