चालु आर्थिक वर्षको ७ महिनामा नेपालको ब्यापार घाटा ९ खर्ब ५५ अर्ब रुपैयाँ पुगेको छ । साउनदेखि माघ सम्मको वैदेशिक ब्यापारको तथ्यांक अनुसार नेपालले ७ महिनामा ९ खर्ब ५५ अर्ब ३४ करोड ब्यापार घाटा ब्यहोरेको हो ।
यस अवधिमा ११ खर्ब २३ अर्ब रुपैयाँ बराबरको वस्तु तथा सेवा आयात हुँदा निर्यात भने जम्मा १ खर्ब ६८ अर्बमा सिमित भएको छ ।
गत आर्थिक वर्षको ७ महिनामा नेपालको ब्यापार घाटा ८ खर्ब ६१ अर्ब थियो । यस वर्षको सोही अवधिमा ब्यापार घाटा १०.९१ प्रतिशतले बढेको भन्सार विभागको तथ्यांक छ ।
गत आर्थिक वर्षको यस अवधिमा १ खर्ब २७ अर्बको निर्यात भएकोमा यसपाली निर्यात ३२.१९ प्रतिशतले बढेर १ खर्ब ६८ अर्ब पुगेको छ ।
