आज सोमबार पनि सुनको भाउ नयाँ उचाईमा पुगेको छ । आइतबार प्रतितोला २ लाख ५८ हजार ८ सय रुपैयाँ को किर्तीमानी मूल्यमा कारोबार भएको छापावाल सुनको भाउ आज तोलामा १ हजार ९ सय रुपैयाँले बढेर प्रतितोला २ लाख ६० हजार ७ सय रुपैयाँ पुगेको छ ।
आज प्रति १० ग्राम छापावाल सुनको भाउ २ लाख २३ हजार ५ सय १० रुपैयाँ तोकिएको छ ।
आज नेपाली बजारमा कायम भएको सुनको भाउ हालसम्मकै उच्च हो । यसअघि आइतबार पनि सुनको भाउ किर्तीमानी उचाईमा पुगेको थियो ।
आज चाँदीको भाउ पनि बढेको छ । आइतबार प्रतितोला ३ हजार ८ सय २५ रुपैयाँमा कारोबार भएको चाँदीको भाउ आज ४५ रुपैयाँले बढेर प्रतितोला ३ हजार ८ सय ७० रुपैयाँ पुगेको छ । आज १० ग्राम चाँदीको भाउ ३ हजार ३ सय १८ रुपैयाँ तोकिएको छ ।
