शिवश्री हाइड्रोपावर लिमिटेडले लिलामीमा ल्याएको शेयरको बोलपत्र खोलिएको छ । बिक्री प्रबन्धक सिटिजन्स क्यापिटलले हिजो बुधबार लिलाममा परेका आवेदनको शिलबन्दी बोलपत्रहरु खोलेको हो।
क्यापिटलका अनुसार लिलामीको शेयरको प्रारम्भिक कटअफ मूल्य १४० रुपैयाँ कायम भएको छ। यद्यपि यो प्रारम्भिक कटअफ मूल्य मात्र रहेको र सबै आवेदन र चेकको भेरिफिकेशनपछि मात्र अन्तिम कटअफ मूल्य तय हुने क्यापिटलले जनाएको छ ।
शिवश्री हाइड्रोले कार्तिक २० गतेदेखि कार्तिक २७ गतेसम्म हकप्रदमा अवितरित सर्वसाधारण समूहको ८ लाख ६५ हजार ८ सय ४५ कित्ता शेयर लिलाममा ल्याएको थियो। कम्पनीले भदौ ११ गतेदेखि असोज २३ गतेसम्म १:१ को अनुपातमा हाल कायम चुक्ता पुँजीको एक सय प्रतिशतले हुन आउने १ अर्ब ४७ करोड ६४ लाख रुपैयाँ बराबरको १ करोड ४७ लाख ६४ हजार कित्ता हकप्रद शेयर निष्काशन गरेको थियो। जस मध्ये रितपुर्वक आवेदन दिने शेयरधनीलाई १ करोड ३८ लाख ९८ हजार १ सय ५५ कित्ता शेयर बाँडफाँड गरिएको थियो। बिक्री नभएको शेयर लिलाममा आएको थियो ।
नेपाल धितोपत्र बोर्डले कम्पनीलाई साउन ४ गते हकप्रद निष्काशनको अनुमति दिएको थियो।
