मुक्तिनाथ कृषि कम्पनीले लाभांश घोषणा गरेको छ । कम्पनीको असोज २४ गते बसेको संचालक समितिको बैठकले आर्थिक वर्ष २०८१/८२ मुनाफाबाट वितरण गर्ने लाभांश प्रस्ताव गरेको हो।
जस अनुसार कम्पनीले हाल कायम चुक्ता पुँजीको ८ प्रतिशत बोनस शेयर र कर प्रयोजनको लागि ०.४२ प्रतिशत नगद लाभांश गरि कुल ८.४२ प्रतिशत लाभांश वितरण गर्ने प्रस्ताव गरेको छ। हाल कम्पनीको चुक्ता पुँजी७० करोड रहेको छ।
कम्पनीले प्रस्तावित लाभांश वितरणपछि कायम हुने चुक्ता पुँजीको ६० प्रतिशत हकप्रद शेयर निष्काशन गर्ने प्रस्ताव आगामी साधारणसभामा लैजाने भएको छ। कम्पनीले कार्तिक २१ गते साधारणसभा बोलाएको छ भने साधारणसभाको लागि कार्तिक १४ गते बुक क्लोज गर्ने निर्णय गरेको छ।
