एमएडब्लु वृद्धिले शुक्रबार (असोज २४ गते) देखि चाडपर्व लक्षित मेगा एक्सचेन्ज कार्निभलको आयोजना गर्ने भएको छ । कम्पनीले काठमाडौं गैरीधारास्थित एलिस रिसेप्सन र देशभरका दिपल, नामी र सेरेसका सोरुमहरुमा एकैसाथ मेगा एक्सचेन्ज कार्निभलको आयोजना गर्ने भएको हो ।
तीन दिनसम्म चल्ने एक्सचेन्ज मेलामा ग्राहकहरुले पूराना गाडीहरु साटेर एमएडब्लु वृद्धिले बिक्री गर्दै आएका ईभी लैजान पाउने छन् । काठमाडौंमा आयोजना हुने मुख्य कार्यक्रममा ग्राहकले दिपल, अवतार, नामी र सेरेस ब्राण्डका ईभी हेर्न र टेस्ट ड्राइभ गर्न पाउने छन् ।
कार्यक्रममा विभिन्न गेम पनि खेलाइनेछ ।
ग्राहकहरुले एक्सचेन्ज मेलामा नेपालका ‘टप फाइभ’ रिकन्डिसन हाउसमार्फत् आफ्ना पूराना गाडीहरुको मूल्यांकन गराउन सक्ने छन् । साथै एक्सचेन्ज मेलामा बोनस र नगद छुट पनि उपलब्ध हुनेछ । जस अनुसार निश्चित मोडलमा अधिकतम १५ लाख रुपैयाँसम्मको लाभ पाउन सक्ने छन्।
मेलामा बुकिङ गर्ने हरेक ग्राहकले नगरकोटस्थित प्रिमियम रिसोर्टमा नाइट स्टेको मज्जा समेत लिन पाउने छन् ।
एक्सचेन्ज कार्निभलमा अल्ट्रा प्रिमियम इलेक्ट्रिक एसयुभी अवतारको टेस्ट ड्राइभ समेत गर्न पाइने छ । शोमा दिपल एस०५ र नामी भिगो पनि प्रदर्शनमा राखिने छ ।
