राष्ट्रिय सभाको चालु अधिवेशन अन्त्य गरिएको छ। राष्ट्रपति रामचन्द्र पौडेलले नेपालको संविधानको धारा ९३ को उपधारा (२) बमोजिम मन्त्रिपरिषद् बैठकको सिफारिसमा राष्ट्रिय सभाको चालु अधिवेशन २०८२ साल भदौ ३१ गते मङ्गलबार राती १२:०० बजेदेखि अन्त्य गरेका हुन्।
भदौ ३० गते बसेको मन्त्रिपरिषद् बैठकले राष्ट्रिय सभाको चालु अधिवेशन अन्त्य गर्न सिफारिस गरेको थियो । मन्त्रिपरिषदको सिफारिसमा राष्ट्रपतिले संसद अधिवेशन आह्वान गर्ने र अन्त्य गर्न सक्ने संवैधानिक व्यवस्था छ।
राष्ट्रपतिले यस अघि नै प्रतिनिधिसभा विघटन गरिसकेका छन् । राष्ट्रिय सभाको अधिवेशन पनि अन्त्य भएकोले अब सरकारलाई अध्यादेश ल्याउने बाटो खुलेको छ। संसद अधिवेशन चालु नरहेको अवस्थामा सरकारलाई कुनै कानून आवश्यक परेमा अध्यादेश मार्फत ल्याउन सकिने व्यवस्था छ। राष्ट्रपतिले अध्यादेश जारी गरेप्चही त्यसले कानूनी रुप लिने छ।
यससंगै सरकारले केही अध्यादेश ल्याउन सक्ने अनुमान गरिएको छ।
