नेपाल राष्ट्र बैंकले दशैँका लागि सुकिला नोटको सटही सुरु गरेको छ । आइतबारबाट सुकिला नोट सटही सुरु गरिएको केन्द्रीय बैंकको मुद्रा व्यवस्थापन विभागले जनाएको छ ।
विभागका कार्यकारी निर्देशक रामु पौडेलका अनुसार सबै बैंकबाट सुकिला नोट साट्ने प्रबन्ध गरिएको छ । राष्ट्र बैंकबाट पनि सुकिला नोट साट्न पाइनेछ ।
सर्वसाधारणले ५, १०, २०, ५० र १०० रुपैयाँ दरका एक एक बण्डल गरी कुल १८ हजार ५ सय रुपैयाँ बराबरको नोट साट्न पाउनेछन् । यसपटक ५ रुपैयाँ दरका मात्रै नयाँ नोट छन् भने अरु सुकिला नोट छन् ।
