नाडा अटोमोबाइल्स एसोसियशन अफ नेपालको आयोजनामा सम्पन्न भएको १७औँ संस्करणको ‘नाडा अटो शो’मा करिब ४३ सय गाडी बुकिङ भएका छन् । यसमा २ सय जति दुइ पाङ्ग्रे छन् ।
कम्पनीहरुको दाबी अनुसार ४ हजारभन्दा बढी चार पाङ्ग्रे गाडी बुकिङ भएका छन् । यीमध्ये सबैभन्दा धेरै बिवाईडीका गाडी बुक भएका छन् । बिवाईडीको नेपालका लागि आधिकारिक आयातकर्ता साइमेक्स इंकका अनुसार नाडा अटो शोमा बिवाईडीका १४ सय जति गाडी बुकिङ भएका छन् । हालै सार्वजनिक भएका एट्टो १ र एट्टो २ सहित बिवाईडीका विभिन्न मोडलहरु सर्वाधिक बुकिङ भएका हुन् ।
बिवाईडीपछि ‘रियल बुकिङ’मा टाटाका गाडी धेरै छन् । अटो शोमा टाटाका टियागो, पन्च, नेक्सन लगायतका मोडलहरु गरी कुल ८ सय युनिट गाडी बुकिङ भएका छन् ।
नामी ८१२, दीपल ६०७ र सेरेश १०३ गरी एमएडब्ल्यूले पनि उल्लेख्य बुकिङ लिएको छ ।
पहिलोपटक अटो शोमा आएको जिलीका गाडी पनि १८७ युनिट बुकिङ भएको एलआरआर मोटर्सले जनाएको छ । जिङपिङ १०२, एक्सपेङ ७० युनिट बुकिङ भएका छन् । अन्य ब्राण्डहरुले पनि उल्लेख्य बुकिङ पाएको जनाएका छन् ।
दुइ पाङ्ग्रेतर्फ रोयल इन्फिल्ड १६० युनिट बुकिङ हुँदा हिरोका ६० युनिट मोटरसाइकल बुक भएका छन् ।
