हिमस्टार उर्जा कम्पनी लिमिटेडले निष्काशन गरेको शेयर सम्बन्धित लगानीकर्ताको डिम्याट खातामा आएको छ । सिडिएससीका अनुसार यस अघि प्राविधिक त्रुटी भएका कारण डिम्याट खातामा पठाईएका शेयर रोक्का राखिएकोमा सो त्रुटी समाधान भई आज शेयर परेका लगानीकर्ताको डिम्याट खातामा शेयर पठाईएको हो।
अब यी शेयर नेपाल स्टक एक्सचेन्ज नेप्सेमा सूचीकृत हुने छ। नेप्सेमा शेयर सूचीकृत भएको भोलिपल्टबाट शेयर कारोबार गर्न सकिने छ। कम्पनीले सर्वसाधारणलाई निष्काशन गरेको शेयर असार ३२ गते बाँडफाँड भएको थियो।
यस कम्पनीले ओखलढुंगामा ५ मेगावाट क्षमताको आयोजना निर्माण गरिरहेको छ । यस कम्पनीका मुख्य शेयरधनीमा दिपक तिवारी, शोभा उप्रेती, ध्रुबलाल पाण्डे, नारायण प्रसाद उप्रेती, जगदीश पौडेल, किशोर दत्त बराल, भिजन लुम्बिनी लिमिटेड, दुतराज लामा लगायत रहेका छन् ।
