प्रधानमन्त्री केपी शर्मा ओलीले वर्तमान सरकारसँग सिङ्गो निजी क्षेत्र सन्तुष्ट रहेको दाबी गरेका छन् । १७औँ संस्करणको ‘नाडा अटो शो’ उद्घाटनका क्रममा प्रधानमन्त्री ओलीले अहिले अटोमोबाइल्स व्यवसायी मात्रै नभई समग्र निजी क्षेत्र नै वर्तमान सरकारप्रति असन्तुष्ट नरहेको दाबी गरेका हुन् ।
‘अटोमोबाइल्स व्यवसायी मात्रै होइन, अहिले निजी क्षेत्र नै असन्तुष्ट हुनुपर्ने कारण छैन, ठाउँ छैन’ प्रधानमन्त्रीले भने, ‘बजेट र मौद्रिक नीति व्यवहारिक र उद्यम व्यवसायका लागि अनुकुल हुने गरी तर्जुमा गरिएको छ । अब अब कसै–कसैले असन्तुष्ट नै हुनुपर्छ भनेर कसम खाएका छन् भने त्यो अलग कुरा हो ।’
