नेपालमा सार्वजनिक भएको पहिलो हप्तामै ‘बिवाईडी एट्टो १’ले उल्लेख्य ख्याती कमाएको छ । ‘नाइमा नेपाल मोबिलिटी एक्स्पो २०२५’ को अवसरमा साउन २१ गते सार्वजनिक भएको बिवाईडी एट्टो १ एक्स्पो अवधिभर आकर्षणको केन्द्रमा रह्यो । अवलोकनकर्ताहरु बिवाईडीको स्टलमा एट्टो १ प्रति सर्वाधिक चासो व्यक्त गरिरहेका भेटिन्थे ।
यति मात्रै होइन, ६ दिनसम्म चलेको एक्स्पोमा सबैभन्दा बढी नै बिवाईडीका गाडी बुकिङ भएका छन् । तिमध्ये करिब ५ सय युनिट एट्टो १ बुक भएका छन् ।
साइमेक्स इंकका सेल्स म्यानेजर आशुतोष गौतमका अनुसार एक्पोमा बिवाईडीका करिब ८ सय युनिट ईभी बुकिङ भएका छन् । यीमध्ये ५ सय युनिट त एट्टो १ मात्रै छन् ।
यस्तै, सिलायन–सेभेन १५० युनिट बुक हुँदा एट्टो ३ र डल्फिन पनि बुकिङ भएका छन् ।
नेपाली सडकमा सर्वाधिक सफल हुने बाटोमा एट्टो १
लन्च भएको पहिलो हप्तामै ५ सय युनिट बुकिङ भएको बिवाईडी सिगल अर्थात् एट्टो १ ले आगामी दिनमा अझै ख्याती कमाउनेमा कम्पनी विश्वस्त छ । डाइनामिक र प्रिमियम गरी दुई भेरियन्टमा नेपालमा आएको एट्टो १ मूल्यका हिसाबले पनि किफायती नै मानिन्छ । डाइनामिक भेरियन्टको मूल्य २८ लाख ९५ हजार र प्रिमियम भेरियन्टको मूल्य ३२ लाख ९५ हजार रुपैयाँ तोकिएको छ ।
डाइनामिकमा ३०.०८ किलोवाट आवरको ब्याट्री छ । यसले एक पटकको फुल चार्जमा २३० किलोमिटरको डब्लुएलटीपी रेन्ज दिन्छ । प्रिमियममा ३८.८८ किलोवाट आवरको ब्याट्री छ । यसले सिंगल चार्जमा ३ सय किलोमिटरको डब्लुएलटीपी रेन्ज दिने दाबी गरिएका छ ।
आधुनिक प्रविधिलाई अपनाउँदै आएको बिवाईडीले आफ्नो एड्भान्स्ड ई–प्लेटफर्म ३.० मा यो कार बनाएको हो । कम्पनीका अनुसार सेल–टु–बडी (सीटीबी) टेक्नोलोजी रहेको एट्टो–१ नेपालको ‘सिटी इलेक्ट्रिक मोबिलिटी’का लागि ‘गेम चेन्जर’ प्रोडक्ट हो ।
अझ, यसलाई विश्वास गर्ने आधार भनेको यो गाडी ‘वल्र्ड कार अवार्ड’ विजेता मोडलसमेत हो । वल्र्ड कार अवार्डमा यसले ‘वल्र्ड अर्वन कार अफ दि इयर २०२५’ को उपाधि जितेको थियो ।
