चालु आर्थिक वर्षको हालसम्म नेपालको निर्यातमा सुधार देखिएको छ । एक महिनाको अवधिमा नेपालबाट ३० अर्ब रुपैयाँ बराबरको वस्तु तथा सेवा निर्यात भएको छ ।
भन्सार विभागको तथ्यांक अनुसार चालु आर्थिक वर्षको जेठ महिना सम्ममा २ खर्ब ४७ अर्ब ५७ करोड २ लाख १३ हजार रुपैयाँको वस्तु तथा सेवा निर्यात भएको छ । बैशाखसम्म नेपालको कुल निर्यात २ खर्ब १७ अर्ब १ करोड १० लाख ५९ हजार रुपैयाँ थियो ।
यस आधारमा पछिल्लो महिना (जेठ)मा मात्रै करिब ३० अर्बको निर्यात भएको हो । कुल निर्यातमा भटमासको तेल, सुर्यमुखी तेल लगायतको हिस्सा बढी छ ।
साथै, चालु आर्थिक वर्षको जेठसम्म नेपालको व्यापार घाटा १३ खर्ब ९७ अर्ब २२ करोड ७३ लाख ७३ हजार रुपैयाँ पुगेको छ । गत आर्थिक वर्षको सोही अवधिको व्यापार घाटा १३ खर्ब १४ अर्ब ४४ करोड १८ लाख ५८ हजार रुपैयाँ थियो ।
