औषधिको मूल्यका विषयमा सुझाव दिन गठित समितिले हरेक दुइ दुइ वर्षमा औषधिको मूल्य समायोजन सुझाव दिएको छ । स्वास्थ्य तथा जनसंख्यामन्त्री प्रदीप पौडेललाई समितिले बुझाएको प्रतिवेदनमा प्रत्येक दुइ दुइ वर्षमा औषधिको मूल्य समायोजन गर्न सुझाव दिइएको हो ।
मन्त्रालयमा मंगलबार आयोजित कार्यक्रममा समितिका संयोजक डा. पोषराज पाण्डेले मन्त्री पौडेललाई प्रतिवेदन हस्तान्तरण गरेका हुन् । संयोजक डा. पाण्डेले हरेक दुइ दुइ वर्षमा औषधिको मूल्य समायोजन गर्न सुझाव दिइएको बताउँदै क्षेत्रगत आधारमा समेत औषधिको मूल्य समायोजन गर्न सुझाइएको बताएका छन् ।
मन्त्री पौडेलले समय अनुसार औषधिको मूल्य समायोजन गर्नका लागि समिति गठन गरिएको र समितिले दिएको प्रतिवेदनमाथि थप सुझाव लिएर कार्यान्वयनमा लगिने बताएका छन् ।
