सरकारले राष्ट्रिय सहकारी नियमन प्राधिकरणको अध्यक्ष र विज्ञ सदस्य नियुक्तिका लागि दरखास्त आह्वान गरेको छ । प्राधिकरणको अध्यक्ष र सदस्य सिफारिस गर्न गठित सिफारिस समितिले सूचना प्रकाशित गर्दै दरखास्त माग गरेको हो ।
अध्यक्ष पदको लागि लागि अर्थशास्त्र, वाणिज्य, ब्याबस्थापन, लेखा, कानून वा सहकारी विषयमा कम्तीमा स्नाकोत्तर हासिल गरि नेपाल सरकारको राजपत्ताङ्कित बिशिष्ट श्रेणि वा सो सरहको पदमा कार्य गरेको वा अन्तर्राष्ट्रिय वा राष्ट्रियस्तरका बैंक वा वित्तीय संस्था वा सहकारी संस्थामा कम्तीमा १५ वर्ष कार्य अनुभव भएको हुनुपर्नेछ ।
विज्ञ सदस्यको लागि अर्थशास्त्र, वाणिज्य, व्यवस्थापन, लेखा, कानून वा सहकारी विषयमा कम्तीमा स्नातकोत्तर तह अध्ययन गरी अन्तर्राष्ट्रिय वा राष्ट्रियस्तरका बैंक, वित्तीय संस्था वा सहकारीमा कम्तीमा १० वर्ष काम गरेको हुनुपर्नेछ ।
आवेदक ६० वर्ष उमेर पुरा नभएको हुनुपर्नेछ । आवेदकले दरखास्त साथ संस्थाको अवधारणा पत्र, व्यवसायिक तथा आर्थिक कार्ययोजना पनि पेश गर्नुपनेछ ।
इच्छुकले जेठ ११ गतेको मितिले १५ दिनभित्र भौतिक रुपमा उपस्थित भएर आवेदन दिनइसक्नु पर्नेछ । उम्मेदवारले दरखास्त दस्तुर वापत ५ हजार रुपैयाँ बुझाउनु पर्नेछ ।
