सिईडिबि होल्डिङ्गस लिमिटेडले चालु आर्थिक वर्ष २०८१/८२ को तेस्रो त्रैमासको अपरिस्कृत वित्तीय विवरण प्रकाशन गरेको छ। विवरण अनुसार यस अवधिमा कम्पनीको खुद नाफा ३२७.५६ प्रतिशतले बढेको छ।
तेस्रो त्रैमासको अवधिमा कम्पनीले ३५ करोड ३० लाख रुपैयाँ खुद नाफा कमाएको छ। अघिल्लो आर्थिक वर्षको यसै अवधिमा कम्पनीको खुद नाफा ८ करोड २५ लाख मात्रै थियो।
यस अवधिमा कम्पनीले सेवा शुल्क, ब्याज तथा आम्दानी शिर्षकमा कुल ३८ करोड ९ लाख ५३ हजार आम्दानी गरेको छ । कम्पनीको मुख्य आम्दानी नै यहि हो। अघिल्लो आर्थिक वर्षको यसै अवधिमा कम्पनीको यस्तो आम्दानी १ करोड ७ लाख मात्र थियो । मुख्य आम्दानी बढेको र ब्याज खर्च पनि घटेकोको कारण कम्पनीको नाफा बढेको हो ।
यस अवधिमा कम्पनीको चुक्ता पुँजी १ अर्ब ३ करोड रहेको छ भने रिजर्भमा ७४ करोड ३९ लाख रहेको छ । यस अवधिमा कम्पनीको प्रति शेयर आम्दानी ४५.५१ रुपैयाँ रहेको छ भने प्रति शेयर नेटवर्थ १७१ रुपैयाँ ९३ पैसा रहेको छ।
यो विभिन्न जलविद्युत आयोजनामा लगानी गर्ने इन्भेष्टमेन्ट कम्पनी हो ।
