अरुण भ्याली हाइड्रोपावर लिमिटेडले चालु आर्थिक वर्ष २०८१/८२ को तेस्रो त्रैमासको अपरिस्कृत वित्तीय विवरण प्रकाशन गरेको छ। प्रकाशित विवरण अनुसार यस अवधिमा कम्पनीको खुद नाफा ५७९६.६ प्रतिशतले बढेको छ।
यस अवधिमा कम्पनीले ३४ करोड १८ लाख खुद नाफा कमाएको छ। अघिल्लो आर्थिक वर्षको यसै अवधिमा कम्पनीको खुद नाफा ५७ लाख ९५ हजार थियो । यस अवधिमा कम्पनीको विद्युत बिक्रीको आम्दानी ६ करोड १ लाखबाट बढेर १९ करोड ७४ लाख पुगेको छ । कम्पनीको अन्य आम्दानी पनि २३ करोड ५९ लाखबाट बढेर ३४ करोड ८७ लाख पुगेको छ।
यस अवधिमा कम्पनीको ब्याज खर्च १४ करोड ८५ लाखबाट घटेर ३ करोड ९ मात्र कायम भएको छ। कम्पनीको चुक्ता पुंजी ३ अर्ब ८४ करोड रहेको छ।
यस अवधिमा कम्पनीको प्रति शेयर आम्दानी ११ रुपैयाँ ८५ पैसा रहेको छ भने प्रति शेयर नेटवर्थ १०९ रुपैयाँ ५६ पैसा रहेको छ।
