एमजीको गाडीका लागि नेपालको आधिकारीक बितरक पारामाउन्ट मोटर्सले आज बहुप्रतिक्षित ईभी एसयूभी एस–५ सार्वजनिक गर्दैछ । कम्पनीले बिहिबार साँझ भव्य कार्यक्रम आयोजना गरेर एस–५ सार्वजनिक गर्न लागेको हो ।
एमजी एस–५ प्योर ईभी प्लेटफर्ममा बनेको नयाँ मोडल हो । आधुनिक डिजाइन, टेक फिचर र उत्कृष्ट पर्फमेन्स रहेको भनिएको एस–५ एसयूभी ४९ किलोवाट आवर र ६२ किलोवाट आवरको दुई ब्याट्री अप्सनमा उपलब्ध छ । यसमा ९९ किलोवाट क्षमताको मोटर जडान गरिएको छ ।
कम्पनीका अनुसार यस ईभीमा प्रयोग भएको ब्याट्री हालसम्मकै पातलो साइजको ब्याट्री हो ।
रियर ह्वील ड्राइभ र इन्डिपेन्डेन्ट सस्पेन्स जस्ता विशेषताले एस–५ नेपाली उपभोक्ताको रोजाइमा पर्ने विश्वास गरिएको छ । १८० एमएम ग्राउण्ड क्लियरेन्स रहेको यस गाडीको आधिकारीक मूल्य भने सार्वजनिक गरिएको छैन । आज सार्वजनि सँगै मूल्य पनि घोषणा हुने र बुकिङ खुल्ने बुझिएको छ ।
