एयोन, एक्स्पेङ, डायुन र नेटा जस्ता प्रख्यात ब्राण्डका ईभी बिक्रेता सीजी मोटर्सले ‘सिजी एक्सचेन्ज मेला’ सुरु गरेको छ । फागुन २० गते मंगलबारदेखि सुरु भएको सिजी एक्सचेन्ज मेला फागुन २७ गतेसम्म आयोजना हुनेछ ।
सीजीको एक्सचेन्ज मेलामा उपभोक्ताले पूराना सवारी साधनहरूसँग नयाँ इलेक्ट्रिक गाडी साट्न सक्ने छन् । ग्राहकहरुले पूराना गाडीसँग एयोन, एक्स्पेङ, डायुन र नेटा गाडी साट्न सक्ने कम्पनीले जनाएको छ ।
थापाथलीस्थित गाडीका शोरुममा जारी एक्सचेन्ज मेलामा एक्सचेन्ज बोनस, आकर्षक छुट, निःशुल्क एक्सेसिरीज र सहज फाइनान्सिङ सुविधा पनि प्रदान गरिने कम्पनीले जनाएको छ । ग्राहकहरूले निःशुल्क ७ किलोवाटको चार्जर, एक आर्थिक वर्षको सवारी करमा छुट र अटो प्लस बीमा पनि प्राप्त गर्ने सिजी मोटर्सले जनाएको छ ।
रिकण्डिशन हाउसबाट पूराना गाडीहरूको उत्कृष्ट भ्यालूएशनसमेत उपलब्ध हुने मेलामा उपहारसहित टेस्ट ड्राइभको समेत प्रबन्ध गरिएको छ । सहभागीमध्ये लक्की ड्रमार्फत एक जनाले आईफोन १६ जित्न सक्ने छन् ।
