नेपालका लागि टोयोटा गाडीको आधिकारिक वितरक युनाइटेड ट्रेडर्स सिन्डिकेट प्रा.लि ले फाल्गुन १६ देखि फाल्गुन १९ गते सम्म झापाको बिर्तामोडमा “Experience Toyota” आयोजना सुरु गरेको छ ।
दरबार रेस्ट्रो बिर्तामोडमा टेस्ट ड्राइभ तथा एक्सचेञ्ज कार्यक्रम आयोजना भैरहेको छ । फाल्गुन १८ र १९ मा इटहरीको Sky luxe होटेलमा “Experience Toyota” आयोजना हुनेछ ।
झापा र इटहरीलाई बिशेष लक्षित गरि आयोजना गरिएको यस इभेन्टमा ग्राहकले हरेक गाडीको खरिदमा एक्सचेन्ज बोनस, अतिरिक्त एसोसरिज, फ्री इन्सुरेन्स, बैंकिंग सुबिधा, रोड कर, विभिन्न उपहारहरु समेत पाउनेछन ।
सकिने टोयटा नेपालकी उप महा प्रबन्धक रेखा शाह कार्कीका अनुसार आज ठिक ३ बजे बिर्तामोडको नयाँ भद्रपुर रोडमा रहेको दरबार रेष्ट्रोबाट सुरु भई दोमुखा रिसोर्टमा गए ड्राइभ सकिने छ ।
यो कार्यक्रम टोयोटाका ग्राहकहरू तथा सम्भावित खरिदकर्ताहरूलाई लक्षित गरी आयोजना गरिएको हो, जसअन्तर्गत उनीहरूले टोयोटाका विभिन्न मोडेलहरू परीक्षण गरि ड्राइभ अनुभव गर्न सक्नेछन् ।
यस टोयोटाको हरेक टेस्ट ड्राइभमा आकर्षक उपहार पाउनुको साथै ग्राहकलाई यस प्रा.लिको विभिन्न सुबिधाको बारेमा जानकारी गराईनेछ । ग्राहकलाई यू.टि.एस संग विभिन्न मोडलका गाडीहरु उपलब्द रहेको हुँदा आफ्ना ग्राहकलाई निर्धक्कका साथ टेस्ट ड्राइभमा आउन पनि कम्पनीले अनुरोध गरेको छ ।
साथै, यस उत्सवमा ग्राहकलाई सहजीकरण गर्नका निम्ति विभिन्न बैंकसंग बैंकिंग फाईनान्सको पनि ब्यबस्था गरिएको छ ।
