लाइफ इन्स्योरेन्स कर्पोरेशन (नेपाल) लिमिटेडले लिलामीमा ल्याएको अवितरित हकप्रद शेयर बाँडफाँड भएको छ । बिक्री प्रबन्धक नेपाल एसबिआई मर्चेन्ट बैंकिङका अनुसार फागुन १५ गते शेयर बाँडफाँड गरिएको हो ।
यस लिलामीको शेयरको प्रारम्भिक कट अफ मूल्य १०२२ रुपैयाँ कायम गरिएकोले सो भन्दा बढी मूल्य कबुल गर्नेले शेयर पाएका छन् । १०२२ मै आवेदन दिनेले समानुपातिक रुपमा सापेक्षिक भार अनुसार शेयर पाएका छन् । लिलामीको शेयरमा कुल १ हजार ७ सय ९९ वटा आवेदन परेका थिए।
अब शेयर नपरेकाहरुलाई फागुन १९ गते सोमबारदेखि पैसा फिर्ता गरिने भएको छ। आवेदकले आवेदन फारममा उल्लेख अग्रेको बैंक खातामा आईपीएस मार्फत रकम फिर्ता गरिने कम्पनीले जनाएको छ।
लाइफ इन्स्योरेन्स कर्पोरेशनले माघ २१ गतेदेखि फागुन ५ गतेसम्म अवितरित हकप्रद शेयर लिलाम गरेको थियो। कम्पनीले १ः०.८८४५१६८ अनुपातमा हकप्रद निष्काशन गर्दा बिक्री नभएको सर्वसाधारण समूहको ४ लाख ९२ हजार ५७७ कित्ता अवितिरत हकप्रद शेयर लिलाम गरेको थियो ।
