गुराँस लघुवित्तले चालु आर्थिक वर्ष २०८१/८२ को दोस्रो त्रैमासको अपरिस्कृत वित्तीय विवरण सार्वजनिक गरेको छ। वित्तीय विवरण अनुसार यस अवधिमा कम्पनीको खुद नाफा १००.०८ प्रतिशत बढेको छ।
यस अवधिमा कम्पनीको खुद नाफा बढेर १ करोड ५४ लाख ६३ हजार रुपैयाँ पुगेको छ। अघिल्लो आर्थिक वर्षको यसै अवधिमा कम्पनीको खुद नाफा ७७ लाख २८ हजार रुपैयाँ मात्र थियो ।
यस अवधिमा कम्पनीको खुद ब्याज आम्दानी ९५.३४ प्रतिशतले बढेर ५ करोड ६४ लाख पुगेको छ। यस अवधिमा कम्पनीको संचालन आम्दानी ६६.६८ प्रतिशतले बढेर ७ करोड १३ लाख पुगेको छ। यस अवाधिमा कम्पनीले सम्भावित जोखिमको लागि २५ लाख ९१ हजार प्रोभिजन गरेको छ।
यस अवधिमा कम्पनीको खराब कर्जा ३.७५ प्रतिशतबाट घटेर २.७८ प्रतिशतमा आएको छ। कम्पनीको प्रति शेयर आम्दानी २६ रुपैयाँ ७० पैसा रहेको छ भने प्रति शेयर नेटवर्थ १३६ रुपैयाँ ८३ पैसा रहेको छ।
११ करोड ५४ लाख चुक्ता पुँजी रहेको कम्पनीको रिजर्भमा ४ करोड २६ लाख रुपैयाँ रहेको छ।
