नेकपा एमालेले प्रधानमन्त्री पुष्पकमल दाहाल प्रचण्डलाई राजीनामा गरेर मार्ग प्रसस्त गर्न आह्वान गरेको छ । आज बसेको नेकपा एमालेको सचिवालय बैठकले यस्तो निर्णय गरेको एमालेका पार्टी प्रवक्ता प्रदिप ज्ञावालीले जानकारी दिए ।
देशका दुई ठूला पार्टीले राष्ट्रिय सहमतिको सरकार बनाउने निर्णय गरेकोले अब प्रधानमन्त्रीले राजीनामा दिएर मार्गप्रसस्त गर्नु पर्ने प्रवक्ता ज्ञवालीले बताए । साथै एमालेको आजको सचिवालय बैठकले सबै दललाई राष्ट्रिय सहमतिको सरकारमा सहभागी हुन आह्वान गर्ने निर्णय गरेको बताए । एमाले र कांग्रेसबीच भएको सहमतिको स्वागत गर्ने निर्णय पनि एमाले सचिवालय बैठकले निर्णय गरेको छ ।
प्रधानमन्त्रीले राजीनामा दिएमा आफ्ना मन्त्रीहरुले राजीनामा दिनै नपर्ने उनको भनाई थियो । प्रधानमन्त्रीले राजीनामा नदिएमा के गर्ने भन्नेबारे पछि छलफल हुने प्रवक्ता ज्ञवालीले बताए ।
