दिनेश श्रेष्ठ
अध्यक्ष, उद्योग वाणिज्य संघ काठमाडौँ
जनतासँग अर्थतन्त्रको २४ प्रतिशत कर राजस्व उठाउनुमा गर्व गरी कुरा गरेको देशको मुर्धन्य अर्थविद्हरुको कुरा सुन्दा यो मनुवा रनभुल्लमा पर्यो । दक्षिण एसियामा बढी कर तिर्ने हामी वीर हो कि सोझा नेपाली ?
कर उठाएकोमा गर्व गर्नु भन्दा अर्को १०/२० वर्षमा आयकर मुक्त समाज बनाउने, देशको साधनमा जनताको पहुँच सहज बनाउने, एउटा घर बनाउन चाहिने काठ, गिट्टी, ढुंगा, खानेपानी, बिजुली निःशुल्क पाउने गरि योजना बनाए भनेको भए हामी भाग्यमानी हुने थियौँ ।
शिक्षा, स्वस्थ्य र सरकारी सेवा सहज पाउनेमा जनता किन विश्वस्त छैन ? चिनेको मान्छे, भनसुन, बिचौलिया किन खोज्छन् ? यति धैरै कर तिरे पनि राज्यले दिने सेवाको थप दस्तुरी बुझाउनु पर्छ वा चिनेको मान्छे हुनुपर्छ भन्ने अवस्था अन्त हुने कुरा भए हामी धन्य हुने थियौ ।
