आज मंगलबार सुनको भाउ अत्याधिक बढेर इतिहासकै उच्च विन्दुमा पुगेको छ । सोमबार प्रतितोला २ लाख ६१ हजार ७ सय रुपैयाँको किर्तीमानी मूल्यमा कारोबार भएको छापावाल सुनको भाउ आज एकैदिन तोलामा ५ हजार ५ सय रुपैयाँले बढेर प्रतितोला २ लाख ६७ हजार २ सय रुपैयाँ पुगेको हो ।
आज प्रति १० ग्राम छापावाल सुनको भाउ २ लाख २९ हजार ८० रुपैयाँ तोकिएको छ । नेपाली बजारमा आज तोकिएको सुनको भाउ हालसम्मकै उच्च हो ।
आज चाँदीको भाउ तोलामा २० रुपैयाँले बढेर प्रतितोला ४ हजार २ सय ५५ रुपैयाँ पुगेको छ । आज १० ग्राम चाँदीको भाउ ३ हजार ६ सय ४८ रुपैयाँ तोकिएको छ । नपाली बजारमा आज कायम भएको चाँदीको भाउ पनि हालसम्मकै उच्च हो ।
