आज बुधबार पनि सुनको भाउले नयाँ उचाई कायम गरेर तोलाको झण्डै डेढ लाख रुपैयाँ पुगेको छ । हिजो मंगलबार तोलाको १ लाख ४७ हजार ८ सय रुपैयाँ पुगेर हालसम्मकै उच्च मूल्यमा कारोबार भएको छापावाल सुन आज तोलामा २ हजार रुपैयाँले बढेर प्रतितोला १ लाख ४९ हजार ८ सय रुपैयाँ पुगेर रेकर्ड ब्रेक गरेको छ ।
आज प्रति १० ग्राम छापावाल सुनको भाउ १ लाख २८ हजार ४३० रुपैयाँ तोकिएको छ ।
आज तेजावी सुनको भाउ तोलाको १ लाख ४९ हजार १ सय पुगेको छ । नेपाल रत्न तथा आभूषण महासंघका अनुसार आज कायम भएको सुनको भाउ हालसम्मकै उच्च हो ।
आज चाँदीको भाउ भने तोलामा २० रुपैयाँले बढेर १ हजार ८९५ सय रुपैयाँ पुगेको छ । आज १० ग्राम चाँदीको भाउ १ हजार ६२४ रुपैयाँ ५० पैसा तोकिएको छ ।
